Skip to main content

A Academia de Enfermaría de Galicia celebrará a súa presentación en Vigo o xoves 19 de novembro de 2026, ás 12:30 horas, no salón de actos do Hospital Álvaro Cunqueiro.

A presentación da institución correrá a cargo do Dr. Isidoro Rodríguez Pérez, presidente da Academia de Enfermaría de Galicia. No acto tamén intervirá Dna. Rosa María Morais Rodríguez, directora de Enfermaría da Área Sanitaria de Vigo.

O programa incluirá a conferencia «Coidar con evidencia: o poder da investigación enfermeira», impartida pola Dra. Lorena Soto Araujo, que centrará a atención na importancia da investigación e da evidencia científica para os coidados enfermeiros.

Esta xornada permitirá dar a coñecer a Academia de Enfermaría de Galicia en Vigo e ofrecerá un espazo de reflexión sobre o papel do coñecemento científico no desenvolvemento da profesión e na mellora dos coidados.

Información do acto

  • Data: xoves 19 de novembro de 2026.
  • Hora: 12:30 horas.
  • Lugar: salón de actos do Hospital Álvaro Cunqueiro.
  • Enderezo: estrada Clara Campoamor, Vigo.